Amicos participou nunha viaxe formativa a Alacante

13 Outubro 2021

Cinco mozos da Asociación Amicos (Sarai, Adriana, Miguel, Juan e Alfonso) e catro técnicos da entidade social da nosa comarca participaron nunha viaxe formativa a Alacante encadrada nas actividades do programa Erasmus+ Disability Technology Education, iniciativa da Unión Europea centrada nos ámbitos da educación e a formación, a mocidade e o deporte, que ofrece oportunidades para todas as persoas e en todos os sectores educativos.

Durante a estadía en Alacante a expedición de Amicos visitou (entre outras entidades e puntos de interese) o Museo Arqueolóxico de Alancate ou o AIJU, o Instituto Tecnolóxico de Produto Infantil e Ocio, impulsor de recursos innovadores para empresas e entidades centrados no ámbito da nenez.

Xoan España director de Amicos, dixo: “Estamos encantados de poder participar neste Erasmus+ e dos bos resultados obtidos nestes 2 anos, grazas ao cal cinco mozos beneficiáronse da mobilidade incluída no proxecto e da oportunidade que proporciona aprender e relacionarse con estudantes doutros países”.

No mes de novembro Amicos será durante unha semana a asociación anfitrioa dun novo proxecto Erasmus + denominado Discovery, no que participan 5 estudantes e 2 técnicos gregos, outros 5 estudantes italianos e 2 técnicos, máis 5 usuarios da entidade da nosa comarca e 3 técnicos. Esta iniciativa inclúe o desenvolvemento dunha serie de xornadas para coñecer Galicia e o seu rico patrimonio cultural e natural. Entre as visitas programadas estarán a as cidades de Santiago de Compostela, o seu centro histórico e catedral, Fisterra e a Costa da Morte, Pontevedra, Combarro e os seus centros históricos, entre moitas outras actividades.

Outros artigos

Publicidade

Revista en papel

Opinión

“El fútbol es algo más” – José Antonio Constenla

“El fútbol es algo más” – José Antonio Constenla

¡Gooool! Ese es el cántico que se ha escuchado prácticamente en todas las calles de España. El “¡Yo soy español, español, español...!” ha retumbado en todos los rincones del país cuando el árbitro señaló el final del partido que nos ha convertido en reyes de Europa. 4...

“España”. Alberto Barciela

“España”. Alberto Barciela

España se hace grande con lo aparentemente sencillo. Entonces deja de ser una Europa periférica que arrambla con esa idea de que el continente termina en los Pirineos, para reivindicarse como la tierra conquistadora, que acobijó a todas lAs culturas, que se embebión...