Adif licita as obras dos carros da ponte do Ulla entre Rianxo e Catoira

Adif Alta Velocidade licitou por catro millóns de euros a execución dos traballos de finalización do proxecto construtivo dos carros de mantemento do viaduto sobre o río Ulla, así como das escaleiras e plataformas de acceso polo interior do taboleiro. Estas estruturas son imprescindibles para realizar os labores de inspección dada a singularidade da ponte.

Segundo informou Adif, estas actuacións “permitirán asegurar a conservación e funcionalidade do viaduto”, situado no Eixo Atlántico de Alta Velocidade entre as localidades de Rianxo e Catoira, e contan cun orzamento de licitación de 4.087.045,65 euros (IVE incluído).

Viaducto do Ulla ADIF