A rapazada do Colexio de Portosín limpou de refugallos as praias da súa contorna

18 Outubro 2021

Esta fin de semana que vimos de deixar atrás celebrouse nos areais galegas unha nova edición da Limpeza Simultánea de Praias impulsada por ADEGA, unha xornada de voluntariado ambiental que tivo novamente o propósito de “concienciar á sociedade na loita contra a contaminación mariña”.

Entre as contornas costeiras incluídas no plan de traballo atopábase unha cifra importante de praias de Porto do Son, por exemplo a de Aguieira. Amais, os areais de Portosín, para liberalos de materiais contaminantes, baixou a rapazada e o profesorado do Colexio de Portosín, ao abeiro do seu programa de divulgación e concienciación ambiental centrado no seguinte fío temático: O Mar e a Pesca. En concreto, retiraron plásticos, latas e outros refugallos de Entrepuntas, Coira e A Gafa, que son os areais que están máis próximos ao colexio.

Unha xornada que é unha chamada de atención

O obxectivo das limpezas de praias de ADEGA é “o de eliminar parte dos residuos que están nas praias como símbolo de chamada de atención sobre esta a situación de contaminación que sofren as nosas praias e areais”. Segundo a asociación, as principais causas desta problemática ambiental débense situar no modelo de consumo e produción baseado no modelo “usar e tirar”, a deficiente xestión dos residuos que xeramos e a falta de concienciación dalgúns sectores da poboación. “Todo iso fai que cada ano 10 millóns de toneladas de lixo rematen nos océanos, procedente en parte da industria do mar (pesca, extraccións…), pero tamén dos nosos fogares”, explica a asociación.

Na edición do ano pasado da Limpeza Simultánea de Praias retiráronse do litoral galego preto de 3 toneladas de residuos, principalmente microplásticos, cabichas e pauciños de limpar as orellas, e participaron máis de 600 persoas.

Outros artigos

Proseguen este luns e este martes as Festas do Carme de Baroña

Baroña celebra estes días os populares e tradicionais festexos da Festa do Carme. Comezaron este domingo 14 de xullo (o día adicado a San Antón, cunha misa solemne amenizada con coro e gaiteiros e, posteriormente, unha gran sardiñada da marca Azul de Portosín) e...

+

Acordo para pescar en caladoiros arxentinos

O Executivo de Javier Milei despexa o futuro para os barcos galegos con cotas de pescada para 15 anos A intención de Milei de establecer un sistema de poxa para as licitacións internacionais mantiña en tensión a frota de capital galego que pesca nos caladoiros...

+

Publicidade

Revista en papel

Opinión

“Unha de ameixa roubada”. Antón Luaces

“Unha de ameixa roubada”. Antón Luaces

Está visto: seis mil euros non é o valor real da cría de ameixa roubada aos mariscadores do pósito de San Antonio, en Cambados, porque a ameixa substraída da batea de preengorde podería multiplicarse por tres ou catro en base ao resultado dos plans de semente que...

“Los menores inmigrantes”. José Castro López

“Los menores inmigrantes”. José Castro López

La inmigración es responsabilidad del Gobierno, pero su única política conocida fue lasobreactuación que montó en Valencia en 2018 para recibir al Aquarius. Desde aquel“golpe de efecto” no se conocen medidas gubernamentales razonables para enfrentarse aeste...