A Mostra Mares da Fin do Mundo presenta o cartaz da súa nova edición

06 Outubro 2021

O Concello de Outes presentou o cartaz oficial da cuarta edición do festival Mares Da Fin Do Mundo, a Mostra Internacional de Cinema Documental que se celebra entre o 29 de outubro e o 1 de novembro no devandito concello.

Será, en palabras da organización, unha boa oportunidade para poñermos rumbo a novos portos e “descubrir o mellor do cinema documental sobre o medio ambiente mariño e a pesca sustentábel”.

O festival, nas redes baixo o cancelo #MDFDM21, ten xa unha manchea de detalles dispoñíbeis na web de seu, www.maresdafindomundo.gal, onde se vai ir dando conta das novidades do programa, como tamén se darán no Facebook do certame e máis no Instagram.

A imaxe do cartaz é obra do fotógrafo Sam Ponsford.

O certame vén da man do Concello co apoio da Deputación e máis da Xunta.



Outros artigos

Publicidade

Revista en papel

Opinión

“O mar de Foz”. Xulio Xiz

“O mar de Foz”. Xulio Xiz

Para os de terra adentro, a Mariña é territorio especial, de ostensible fervenza industrial e comercial e unha ledicia festeira na que ata as voces dos coros teñen harmónicos de mar. Fun o sábado a Foz, presentar dous libros de historia que honran a súa rica...