A Gramola Gominola encherá Rianxo de rock en galego o vindeiro 6 de novembro

27 Outubro 2021

O grupo A Gramola Gominola vaise achegar á Sala Arcos Moldes do Auditorio de Rianxo para ofrecer á rapazada e ás familias o seu espectáculo O poder da superlingua. Será o 6 de novembro ás 19.00 horas. O concerto está recomendado para un público familiar con crianzas a partir de 4 anos. A duración é de 60 minutos. Trátase dunha proposta abeirada á Rede Cultural da Deputación da Coruña. Será preciso reservar localidades previamente, até as 14.00 horas do xoves 4 de novembro, a través do apartado de reservas da web municipal.

A Gramola Gominola é unha banda de rock en galego para público cativo. Está formada por Paco Cerdeira (Pakolas, Zenzar), Paula Romero (De Vacas, Coro Encaixe), Anxelo de Xermar (Festicultores Troupe) e Rodrigo Muñoz (Di elas, Lacón con Grelos).

O grupo naceu no ano 2015 e dende entón deron centos de concertos poñendo, literalmente, “ao público en pé cos cornos en man!”

Obtiveron en 2018 o Premio Martin Códax da Música ao mellor grupo de música infantil. Teñen tres libros-CD no mercado publicados pola Editorial Galaxia.

Outros artigos

Arrincan as Festas de Taragoña con tres xornadas de troula intensa

Estes xoves 18 comezan na nosa comarca unha manchea de celebracións. Por exemplo as Festas de Taragoña (Rianxo), organizadas pola Comisión de Festas. Arrincan este xoves coas 21 bombas de palenque e con ruadas a cargo de Os Pequenos do Barbansa e Trécola Tradicional....

+

Publicidade

Revista en papel

Opinión

“O mar de Foz”. Xulio Xiz

“O mar de Foz”. Xulio Xiz

Para os de terra adentro, a Mariña é territorio especial, de ostensible fervenza industrial e comercial e unha ledicia festeira na que ata as voces dos coros teñen harmónicos de mar. Fun o sábado a Foz, presentar dous libros de historia que honran a súa rica...