A Escola Infantil de Teatro de Ribeira conta xa cun grupo infantil de 12 nenos pero amplia o prazo ata o mércores 13 de outubro incluído. As clases empezan o xoves 14 no Auditorio ás 18:30 horas e permitiranse inscricions ata final de mes e ata completar o tope de 20 participantes para novas inscricións . Desde a Escola fan un chamamento para completar o cupo máximo de 20 participantes como houbo no curso anterior 2019-2020 que se paralizó pola pandemia e que fixo que no curso 2020-21 no se podese celebrar.
A Concellería de Cultura de Ribeira retoma un curso máis a Escola Municipal de Teatro Infantil para rapazas e rapaces de 7 a 12 anos, cun mínimo de 10 e un máximo de 20 participantes. O curso comezará o14 de outubro ata o mes de xuño do ano próximo.
Datas e horarios: As actividades da Escola Municipal de teatro infantil desenvolveranse no Auditorio municipal de Ribeira os xoves, de 18:30 h a 20:00 h, con data de inicio na segunda semana de outubro (xoves 14) e rematando na primeira semana de xuño de 2022. Realizarase unha montase para estrear no marco da Mostra de Teatro Infantil de
Ribeira e como fin de curso, sempre e cando a situación o permita.
Idades dos/das participantes: Rapazas e rapaces de 7 a 12 anos (ambos incluídos). Establécese un grupo mínimo de 10 participantes para celebrar esta actividade e un máximo de 20 inscritos.
Modalidade de Renovación: Aqueles/as nenos/as que asistiron a anterior edición da Escola Municipal de Teatro Infantil (curso 2019- 2020) poderán renovar a súa participación para o presente curso 2021-2022 do 27 de setembro ao 3 de outubro, ambos inclusive.
Modalidade de nova inscrición: En caso de quedaren vacantes unha vez realizadas as renovacións, abriríase un prazo para recoller novas inscricións para aquelas persoas que cumpran cos requisitos de idade establecidos. O prazo para novas inscricións será do 4 ao 10 de outubro, ambos inclusive
