O Ministerio de Agricultura, Pesca e Alimentación ven de publicar no Boletín Oficial do Estado (BOE) senllos estratos de ordes de convocatoria de subvencións para a dixitalización do sector pesqueiro que suman un importe máximo de 3.800.000 euros (900.000 euros para este ano 2021, e 1.450.000 para cada un dos seguintes dous anos).
O real decreto coas bases reguladoras contempla tres liñas de axudas para sistemas de seguemento, control das obrigas de descarte e apoio á transformación e comercialización. As solicitudes poderán presentarse no prazo de 15 días laborables.
A dixitalización do sector pesqueiro estrativo, acuícola, comercializador e transformador é unha das medidas estratéxicas de actuación contempladas no compoñente 3 do Plan de Recuperación, Transformación e Resiliencia (PRTR) que xestiona o Minisiterio (transformación ambiental e dixital do sistema agroalimentario e pesqueiro), a desenvolver entre os anos 2021 e 2023.
O plan ten como obxectivo dar pulo á transformación e modernización do sector, con actuacións que garantan a súa sustentabilidade e rendibilidade. De aquí que se formule un mellor coñecemento e asesoramento científico para a xestión e control das pesqueiras, incrementar a eficiencia enerxética e promover a economía circular.
O decreto establece tres liñas de axuda: a primeira delas dirixida á adquisición e instalación, por primeira vez, de Sistemas de Seguemento Electrónico Remoto (REM) para o cumprimento da obriga de desembarque e da que se poden beneficiar os armadores de buques de 12 ou máis metros de eslora, con preferencia para aqueles que cheguen ou superen os 24 metros.
A segunda liña diríxese a apoiar os proxectos de mellora de comunicacións, dixitalización do sector estrativo, acuícola, comercializador, transformador, minoristas, maioristas e de proxectos de mellora dos servizos de saúde a través de comunicacións para diagnóstico eprevención de enfermidades a bordo. Poden beneficiarse os armadores de embarcacións con eslora de 12 metros que poderán dotarse de dispositivos que os permitan ubicar e identificalos cando estean no mar, as asociacións do sector estrator, acuícola, comercializador e organizacións de produtores.
A terceira liña de subvencións está destinada a asociacións do sector estrativo. acuícola, comercializador e transformador e organizacións de produtores, sempre que poñan os proxectos a disposción de todos os seus asociados. Asimesmo poderán ser beneficiarios as pequenas e medianas empresas adicadas a produción, transformación e comercialización de produtos da pesca e da acuicultura.
