A aula CeMIT de Ribeira achega en outubro novos cursos sobre eAdministración e ofimática

05 Outubro 2021

A aula CeMIT de Ribeira presentou o seu programa de formación gratuíta (formación en diferentes vertentes do ámbito dixital) para este mes de outubro. Serán, segundo informou o Concello, tres novos obradoiros de carácter presencial que abordan outros tantos ámbitos do plano tecnolóxico: o certificado dixital e a súa importancia para realizarmos trámites en liña coas administracións; as funcionalidades do editor de texto Write; e máis os usos e manexos das follas de cálculo (Calc). A inscrición pódese facer de xeito presencial na sede da aula CeMIT en Cubeliños (Ribeira) ou ben a través do seu sitio web.

Entrada da aula CeMIT de Ribeira, en Cubeliños

Estes son os cursos en cuestión:

• Certificado Dixital – Sede Electrónica: introdución ó uso da administración electrónica. Nivel medio. Impartirase do 13 ó 15 de outubro en horario de 10.00 a 12.00 e constará dun total de seis horas. A idade mínima para cúrsalo é de 16 anos. O prazo de inscrición abre o 5 de outubro. Hai 6 prazas dispoñíbeis.

• Editor de textos Write: elaboración de documentos de texto a través do ordenador. Nivel medio. Impartirase do 18 ó 22 de outubro en horario de 9.30 a 11.00 e constará dun total de 7 horas e media. Non hai idade mínima para cursalo. O prazo de inscrición abre o 15 de outubro. Hai 8 prazas dispoñíbeis.

• Folla de cálculo. Calc: capacitación no uso de follas de cálculo. Nivel medio. Impartirase do 25 ó 29 de outubro en horario de 9.30 a 11.00 e constará dun total de 7 horas e media. Non hai idade mínima para cursalo. O prazo de inscrición abre o 22 de outubro. Hai 8 prazas dispoñíbeis.

Outros artigos

Publicidade

Revista en papel

Opinión

“Unha de ameixa roubada”. Antón Luaces

“Unha de ameixa roubada”. Antón Luaces

Está visto: seis mil euros non é o valor real da cría de ameixa roubada aos mariscadores do pósito de San Antonio, en Cambados, porque a ameixa substraída da batea de preengorde podería multiplicarse por tres ou catro en base ao resultado dos plans de semente que...

“Los menores inmigrantes”. José Castro López

“Los menores inmigrantes”. José Castro López

La inmigración es responsabilidad del Gobierno, pero su única política conocida fue lasobreactuación que montó en Valencia en 2018 para recibir al Aquarius. Desde aquel“golpe de efecto” no se conocen medidas gubernamentales razonables para enfrentarse aeste...