Un accidente con tres vehículos implicados deixou, unha persoa ferida no concello coruñés da Pobra do Caramiñal.
Ocorreu sobre as 09:30 horas, cando os vehículos circulaban á altura da alameda do pobo. Así o indicaba o alertante, que se identificou como un dos implicados, ao 112 Galicia. Aínda que nun primeiro momento se aseguraba que ninguén resultara ferido, minutos máis tarde, foi requirida a asistencia sanitaria para un dos afectados.
Por iso, desde o 112 Galicia ademais de poñer a situación en coñecemento dos axentes da Policía Local e dos efectivos de Protección Civil, pasouse aviso ao Servizo de Urxencias Sanitarias de Galicia-061 e aos Bombeiros de Ribeira, cuxa intervención foi precisa para a limpeza dunha mancha de aceite que quedara espallada pola estrada a causa do impacto.
