O Concello de Ribeira vén de clausurar as viaxes de Ribeira fai Camiño, un programa de itinerarios turísticos en catamarán (polo esteiro do Ulla até a ría de Arousa) que con saída dende Pontecesures e chegada a Ribeira, comezaron no mes de xullo co propósito de promover e reivindicar o Camiño A Orixe e a Traslatio.
A actividade, que tiña por obxectivo “poñer en valor o patrimonio Xacobeo no seu percorrido así como a vinculación das localidades da ría de Arousa co mar”, concluíron cuns resultados “moi positivos”, en palabras do Concello.
En concreto, dende o Consistorio de Ribeira salientaron o “interese que espertou esta actividade nos peregrinos e que chegaron ata A Orixe grazas a esta actividade”.
Dende Roma
No seu balance, o Concello lembra que un dos peregrinos que decidiu facer a ruta Ribeira fai Camiño iniciara a súa andaina en 2017 xunto cun amigo, peregrinando en bicicleta dende Roma facendo 1.500 quilómetros ata Montpellier (Francia) percorrendo a Lazio, a Toscana, a Espezia, a Costa Azul ata Francia. O 6 de xullo deste ano deciden retomalo e rematalo. Comezaron onde o deixaron (Montpellier) e percorreron outros 1.500 km pola vía Tolosanna, Camiño Francés e Camiño de Inverno ata Santiago. Cando chegan a Santiago, descobren que existe un Camiño que acompaña por terra o itinerario que fixeron os restos do Apóstolo na barca de pedra e que remata en Corrubedo. Como todo peregrino, o Camiño non termina ata que xa non se pode continuar e por iso, un deles, decide continuar ata Corrubedo, finalizando o seu Camiño dende Roma en Corrubedo.
O peregrino quixo coñecer un pouco máis e embarcouse en Ribeira fai Camiño, quedando encantado coa actividade.
Tamén el como el diversas persoas de diferentes puntos do país decidiron vir a propósito para percorrer esta ruta no catamarán, e así coñecer Ribeira e o Camiño A Orixe.
