No Son a veciñanza xa pode apuntarse ás Escolas Deportivas, que se desenvolven en sete emprazamentos do concello

20 Setembro 2021

O Concello de Porto do Son compartiu nas redes o seu programa das Escolas Deportivas para o presente curso, 2021-2022, unha axenda que vén con renovada forza logo da pausa estival e faino cunha diversa e completa oferta que cubre todas as idades e que ten a vantaxe engadida de ser descentralizado e abranguer boa parte do territorio sonense (sete sedes).

Unha das grandes novidades do programa conta coa colaboración do club Artrogal e consiste nunha escola de tríatlon para a rapazada: a escola Trisón. O obxectivo desta proposta é mellorar a condición física das nenas e nenos ao tempo que se lles achegan recursos para socializar e traballar en grupo e, tamén, superar desafíos emocionais e anímicos.

Estas actividade xa teñen aberto o prazo de inscrición. Impartiranse no Polideportivo de Santa Irene (predeporte, baile moderno, mantemento para maiores, pilates, acrobacias, baile acrobático, spinning e fit training) e nas casas da cultura de Portosín (spinning e pilates), Queiruga (pilates), Baroña (mantemento de maiores), Xuño (mantemento de maiores), Caamaño (mantemento de maiores) e San Pedro (mantemento de maiores).

As persoas interesadas poden descargar o formulario de inscrición na web do Concello e entregalo cumprimentado no rexistro municipal ou a través da sede electrónica. O custo por unha actividade é de 66 euros, mentres que por unha segunda abonarán 33 euros. Para máis información chamar aos teléfonos 604 051 189 e 981 76 77 58.

Outros artigos

Publicidade

Revista en papel

Opinión

“Vergüenza o sinvergüenza”. José Antonio Constenla

“Vergüenza o sinvergüenza”. José Antonio Constenla

Desvergonzado es aquel “que habla u obra con desvergüenza”, y también elque “no muestra vergüenza por cometer acciones que se reputan inmorales”. Yvergüenza es la “turbación del ánimo ocasionada por la conciencia de algunafalta cometida, o por alguna acción deshonrosa...

“Para desfrutar dela”. Luís Celeiro

“Para desfrutar dela”. Luís Celeiro

As festas de verán en Galicia son ledicia, festa, música e baile, verbena e fartura. Pola mañáé outra cousa, os traballadores teñen que respectar o horario e andar dereitiños cara aolugar do traballo. Ou cara ao ordenador que espera coa lámpada acendida e co disco...