O músico Magín Blanco, unha das grandes estrelas galegas da canción para a rapazada, estará este venres 1 de outubro en Boiro para presentar o seu espectáculo para todos os públicos O levamos nas maletas. Será ás 17.00 horas no Centro Social de Cabo de Cruz, en Boiro. Haberá aforo limitado, sendo preciso reservar as entradas a través da web municipal dous días antes do espectáculo.
A través de O que levamos nas maletas, Magín Blanco interpretará en directo unha escolma dos seus temas para público infantil, acompañados dunha narración. O formato desta nova proposta será un contacontos musicado que axudará os nenos e nenas a estimular a súa creatividade e curiosidade polas letras e as palabras, pola lingua, polos contos e a música para que poidan crear o seu propio universo creativo.
