O contacontos musical “A vida dunha Castaña” que se celebrou este mediodía no parque periurbano de San Roque puxo fin ao festival Raíces no medio dun animado ambiente no que o público asistente non dubidou en sumarse ao espectáculo ofrecido por Vane Bolboretiña e Sabela Olivares xunto con Suso Bello.
A actividade tivo lugar no merendeiro do parque no marco do programa de acción dirixidos a recuperar e poñer en valor este gran espazo natural pegado á cidade de Santa Uxía.
O Festival Raíces estivo formado tamén pola proposta “Elas” que a mediados de agosto evocou o tempo das lavandeiras no río Pedrín e polo exitoso Primeiro Encontro Multicultural celebrado a pasada fin de semana.
Asistiu a actividade o concelleiro de Xuventude e Deportes, Javier Sampedro.
