O Concello de Noia impulsou estas últimas semanas do tempo vacacional unha serie de traballos destinados a poñer a punto as instalacións (tanto as interiores como as exteriores) do Colexio Felipe de Castro de cara ao inicio do novo curso.
Estes traballos consistiron na reparación e ampliación da explanada de estacionamento dos autobuses e patios de xogo e pintado dos mesmos; limpeza exterior das xanelas e das fachadas e mellora das bancadas, así como a colocación de canalizacións, reparación de pavimentos e tarefas de roce.