O Concello e Boiro vén de executar obras de pavimentado no lugar de Coroño. Con estas actuacións, levadas a cabo con fondos propios, realizouse unha mellora nun tramo do firme, duns 240 metros lineais, que ficara pendente doutras actuacións realizadas na mesma zona.
Estas obras veñen de completar as actuacións realizadas en Coroño con cargo ao Plan Único (POS) da Deputación da Coruña. O Concello fixo saber que “os treitos de rúa nos que se actuou presentaban deficiencias no pavimentado, indicativas do deterioro superior do firme”, polo que se levou a cabo unha rehabilitación superficial para conservar e mellorar as súas características funcionais e a protección do conxunto da estrada.