Boiro contará cun obradoiro dual de emprego en actividades de conservación e mellora de montes

15 Setembro 2021

O Concello de Boiro vén de anunciar que contará no presente curso cun taller dual de emprego especializado en xestión forestal. A formación deste actividade formativa e capacitadora (Obradoiro de Emprego. Xestión forestal Torre Goiáns – Boiro) estará dividida en dúas especialidades, unha de Actividades auxiliares en conservación e mellora de montes e outra de Repoboacións forestais e tratamentos silvícolas.

Un total de 20 persoas participarán na iniciativa, divididas nas dúas especialidades entre os meses de outubro de 2021 e xullo de 2022. As persoas interesadas en participar nesta formación deben achegarse á Oficina de Emprego e inscribirse como demandante de emprego e solicitar “taller de emprego”. O alumnado traballador terá un contrato de traballo para a formación e aprendizaxe a tempo completo, de 40 horas semanais, durante 9 meses en horario de 7.30 a 15.30 horas de luns a venres.

Para o desenvolvemento do programa formativo vaise realizar tamén a contratación de persoal docente, incluídos un director/a, un titor-docente e dous docentes, un para cada unha das especialidades que se van impartir.

Para a contratación deste persoal vaise abrir un prazo de convocatoria pública e os contratos de traballo formalizaranse a xornada completa co mesmo horario que o alumnado, agás o/a titor/a docente, que será un 70% da xornada.

O Obradoiro de Emprego. Xestión forestal Torre Goiáns – Boiro levarase a cabo mediante o financiamento da Consellería de Emprego e Igualdade, ao abeiro das axudas e subvencións para os obradoiros duais de emprego da Comunidade Autónoma de Galicia.

Toda a información sobre o desenvolvemento do obradoiro de emprego en xestión forestal pódese obter de xeito presencial na Oficina de Orientación Laboral do Concello de Boiro, e no enderezo electrónico orientación.laboral@boiro.org ou no teléfono 981 84 26 09.

Outros artigos

Detida unha veciña por estafa en Boiro de electrodomésticos

Unha veciña da Estrada foi detida acusada dun delito de estafa por subtraer electrodomésticos por un valor de 5.000 euros nunha tenda de Boiro, tras simular unha transferencia co seu móbil. Garda Civil Segundo informou a Garda Civil, a investigación, denominada...

+

Publicidade

Revista en papel

Opinión

“Cuando el payaso llora” – Manuel Domínguez

“Cuando el payaso llora” – Manuel Domínguez

Cuando el Payaso llora. A punto de salir a pista, tras las cortinas, los últimos minutos, la tele habla de los niños asesinados en Gaza, el bombardeo cruento del Hospital en Ucrania, tanta muerte inocente. Al payaso le cae una lagrima, recorre su mejilla dejando...

“Igualdade e dignidade”. Luís Celeiro

“Igualdade e dignidade”. Luís Celeiro

A moitos dos que andan polas alturas da función ou da acción política gústalles falar dorespecto á vontade popular, á que a mesma Constitución de 1978 alude no seu Preámbulo,cando fala de “consolidar un Estado de Dereito que asegure o imperio da lei como expresiónda...