A Unión de Cooperativas Espazocoop e o Concello de Porto do Son organizan para finais do mes de setembro unha nova acción formativa gratuíta centrada no ámbito cooperativo, o curso Habilidades e Competencias para o Traballo en Equipo e Cooperativas.
Nesta acción formativa, de carácter presencial e 20 horas de duración, as persoas participantes abordarán, de maneira especialmente práctica, habilidades esenciais destas fórmulas colaborativas de emprender ou levar a cabo un labor profesional, poñendo o foco nos recursos que favorezan estas fórmulas e incrementen a empregabilidade das e dos participantes.
Celebrarase entre o 21 e o 24 de setembro.
As inscricións poden facerse a través da conta de correo jose.pazo@portodoson.gal ou tamén de xeito en liña.
