As Escolas Deportivas de Boiro ofrecen este curso un amplo programa de actividades

13 Setembro 2021

O Concello de Boiro anunciou que este mércores día 15 abre o prazo para inscribirse nas actividades englobadas dentro da XXIX edición das Escolas Deportivas Municipais que se organizan dende o Departamento de Deportes. As escolas comezan o 1 de outubro e as inscricións é preciso facelas a través do Departamento de Deportes, situado na Casa da Cultura de Boiro.

Segundo informa o Concello, as Escolas Deportivas Municipais do Concello de Boiro engloban programas para persoas adultas e tamén infantís e xuvenís, así como competicións deportivas en distintas modalidades. Entre as actividades para infantil e xuvenil están tenis, ciclismo, atletismo, voleibol, xadrez, remo, piragüismo, vela, golf, patinaxe, baloncesto, natación ou tríatlon.

Ademais, a oferta de actividades para persoas adultas inclúe ximnasia para persoas xubiladas, bailes de salón, tenis ou o proxecto Boiro Actívate. Por outra banda, a maiores das actividades propias das escolas, o Concello de Boiro colabora na organización de competicións deportivas durante a tempada como son ligas de fútbol nas distintas categorías, minibasket, voleibol, ciclismo, tenis, bolos tradicionais, entre outras.

A celebración das actividades está suxeita ás restricións específicas en materia de sanidade decretadas polas autoridades sanitarias como consecuencia da situación epidemiolóxica. Toda a información sobre as Escolas Deportivas Municipais de xeito presencial no Departamento de Deportes, situado na Casa da Cultura de Boiro, a través o teléfono 981 84 84 25 ou o enderezo electrónico deportes@boiro.org

O Concello de Boiro, para a celebración destas actividades, recibe unha subvención da Deputación da Coruña para o mantemento de persoal técnico nos servizos municipais de deporte para a dinamización deportiva no termo municipal e garantir o desenvolvemento de programas de carácter estábel nos concellos. Mediante esta achega económica provincial, sinala o Goberno local, “podemos levar a cabo, cada ano, programas deportivos como son a XXIX edición das Escolas Deportivas Municipais”.

O concelleiro de Deportes, Marcos Fajardo, e o técnico do departamento, Manuel González, falarán máis polo miúdo do programa deportivo das Escolas Deportivas Municipais o vindeiro mércores 15 de setembro ás 12.00 horas na sala de comunicación do Concello de Boiro.

Outros artigos

A V Bandeira de Bateis Concello da Pobra disputarase no 31 de marzo

Este 31 e marzo disputarase finalmente a quinta edición da Bandeira de Bateis Concello da Pobra, feminina e masculina. Trátase dunha proba organizada polo Club Remo Pobra (Club Remo Puebla) co patrocinio da Concellaría dos Deportes, ademais da colaboración da...

+

Publicidade

Revista en papel

Opinión

“Legislatura serena y estable”. José Castro López

“Legislatura serena y estable”. José Castro López

El inicio de la duodécima legislatura en el Parlamento gallego reconcilia con la política,al menos por unos días. Sin entrar en los detalles de la liturgia protocolaria del acto, haydos imágenes relevantes que captaron las cámaras y publicaron los medios impresos...

“Cadaquén coa súa idea”. Luís Celeiro

“Cadaquén coa súa idea”. Luís Celeiro

Fóronse onte pola madrugada e arestora aínda non chegaron. Montaron nun avión para ir a “non seionde” e, despois, un tren de longo recorrido levaríaos a outro aeroporto,  para seguir o seuprograma de turismo ofertado por unha das máis importantes axencias de turismo...