As alumnas do programa de emprego de Boiro asistiron a unha xornada sobre mobilidade internacional

24 Setembro 2021

O Consistorio de Boiro acolleu este 24 de setembro unha sesión divulgativa e formativa dirixida ás mulleres que están a participar no Programa Integrado de Emprego do Concello, o PIE 2020-2021. Estamos a falar da Xornada de Mobilidade Internacional.

O concelleiro de Comercio e Industria, Marcos Fajardo, participou no acto no que interviron Covadonga López, de Rede Eures; Fernando Rodríguez, da Rede Galega de Dinamización Xuvenil; e Sabrina Lamas, da Fundación Paideia.

O obxectivo foi mostrar ás participantes os proxectos que a Dirección Xeral de Xuventude, Participación e Voluntariado da Xunta de Galicia e tamén a Fundación Paideia están levando a cabo en materia de mobilidade transnacional, formación, prácticas e voluntariado a nivel europeo.

Tamén se deu a coñecer a Rede Eures e o seu portal de procura de emprego, procesos de selección e busca de información dos diferentes países europeos.

A idea foi reforzar aínda máis a empregabilidade das participantes no programa, co fin de que complementen as súas competencias profesionais e persoais, de fomentar a súa autonomía persoal e de permitir que adquiran competencias en linguas estranxeiras superando as barreiras lingüísticas.

Na xornada participaron un total de 12 alumnas do Programa Integrado de Emprego do Concello de Boiro, que está destinado exclusivamente a mulleres e combina a formación online a presencial, fomentando a conciliación familiar e laboral das participantes.

O Programa Integrado de Emprego están subvencionado pola Consellería de Emprego e Igualdade da Xunta de Galicia e o Servizo Público de Emprego Estatal.

Outros artigos

Publicidade

Revista en papel

Opinión

“Cadaquén coa súa idea”. Luís Celeiro

“Cadaquén coa súa idea”. Luís Celeiro

Fóronse onte pola madrugada e arestora aínda non chegaron. Montaron nun avión para ir a “non seionde” e, despois, un tren de longo recorrido levaríaos a outro aeroporto,  para seguir o seuprograma de turismo ofertado por unha das máis importantes axencias de turismo...

“Good morning, Baltimore”. Antón Luaces

“Good morning, Baltimore”. Antón Luaces

Este xoves foron recuperados outros dous cadáveres supostamente doutros tantos obreiros da maior infraestrutura marítima de Baltimore, considerada a de máis lonxitude de Estados Unidos, que foi derrubada o pasado martes polo portacontedores "Dalí", que bateu contra a...