A Biblioteca do Centro Social de Escarabote vai dar acollida este 25 de setembro ao espectáculo Bibliotemaxia, a cargo da maga Leo Leiño. Será ás 11.00 horas e terá capacidade de aforo limitada (cómpre reservar entradas a través da web municipal).
Bibliotemaxia é un espectáculo para nenas e nenos no que a artista Leo Leiño vai contando como se fixo inventora e maga a través dunha historia con moitas referencias aos libros preferidos da rapazada. Trátase dunha proposta de humor e creatividade moi indicada para toda a familia.
A maga Leo Leiño é unha maga profesional que amais desta vertente, centra boa parte do seu repertorio en poñerse na pel dunha contacontos, dunha meiga, dunha malabarista, dunha cantante e mesmo dunha instrumentista.