O vindeiro venres 27 de agosto, ás 22.00 horas, a banda Sabela King & The Heartbreakers actuarán no exterior do CEIP Castelao (Rianxo) dentro do programa Música na noite e da Rede Cultural 2021 da Deputación da Coruña.
Con máis de douscentos concertos por toda a xeografía galega, Sabela King & The Heartbreakers apostan por mesturar composicións propias e versións moi persoais de cancións de Sam Cooke, Johnny Cash e Emily Loizeau. Esta proposta é a que veñen de materializar no seu primeiro traballo discográfico, gravado en directo. O disco está gravado en directo. Sabela King canta e toca o ukelele, Benjamín Vázquez toca as guitarras e Ramón Figueira “Figui” as harmónicas. Xuntos forma unha das bandas galegas (teñen a súa base en Compostela) máis punteiras do panorama estatal e internacional do blues, o country e o soul.
O concerto vén con aforo limitado. Para a reserva de localidades, cómpre visitar a web municipal e facelo dende alí, antes das 12.00 h do mércores 25 de agosto. A reserva será efectiva unicamente cando se confirme desde o Auditorio.
