Portosín presenta a súa regata máis emblemática: A Mar de Finisterre – Trofeo Pitusa Sabín

18 Agosto 2021

Texto e fotos de Juan Caballero

O Real Club Náutico Portosín presentou este 18 de agosto a súa regata máis emblemática, a Mar de Finisterre – Trofeo Pitusa Sabín, que neste 2021 cumpre as súas 33 edicións subindo até o Carrumeiro Chico, na entrada á ría de Corcubión, e a súa sétima desde que Dominga Sabín e Jacinto Hernández fixéronse cargo do seu patrocinio.

Luis Oujo, Pitusa Sabín e Jacinto Hernández na presentación/Imaxe de Juan Caballero

Ademais, a cita deste ano leva o aliciente de ser regata puntuábel para o Trofeo Presidente Xunta de Galicia, tras a primeira xa celebrada na Coruña e organizada polo Real Club Náutico da cidade herculina, e antes de que finalice coa terceira e última na baía de Baiona organizada polo Monte Real Club de Iates.

Segundo dixo Jacinto Hernández na presentación, “é unha honra que este ano a regata sexa puntuábel para o Trofeo Presidente Xunta de Galicia, onde hai que agradecer a xentileza de Pedro Campos, presidente do RCN Sanxenxo, así como aos clubs colaboradores que apoiaron esta iniciativa, como o RCN A Coruña e o Monte Real de Baiona, sen esquecernos da Real Federación Galega de Vela e, sobre todo, da Xunta de Galicia a través da Secretaría Xeral para o Deporte”.

Acompañando a Hernández estaban o alcalde de Porto do Son, Luis Oujo; o presidente, comodoro, vicepresidenta primeira e vogal do Real de Portosín, Jorge Arán, Fernando González, Pepa Castro e José Antonio García; así como os concelleiros de Deportes e Turismo do Concello, Juan Pouso e Manuel Deán; e o patrón maior da Confraría de Pescadores San Andrés de Portosín, Isaac Gaciño.

González, que actuou como portavoz do club e coordinador da presentación manifestaba que “falar da Mar de Finisterre é falar da nosa regata máis emblemática, a primeira que se organizou neste club. Este ano, como nas anteriores edicións, será valedoira para a Copa de Galicia de Cruceiros e puntuábel para o Trofeo Presidente Xunta de Galicia, o que supón unha gran noticia”. E engadiu: “Nesta cita imos ter tres clases que van ser Open, ORC Regata e ORC Cruceiro/Regata. É, talvez, unha das tres regatas que se celebran en Galicia onde ao regatista dáselle un trato excepcional, todo iso grazas ao incondicional apoio de Pitusa e de Jacinto, contando tamén cunha boa degustación de sardiña ofrecida pola Confraría de Pescadores San Andrés de Portosín e tamén a colaboración de Conservas Sotavento”.

Pola súa banda, o rexedor sonense dicía que “este ano, que esteades aquí, xa é unha gran noticia”, en referencia a Pitusa e Jacinto, “porque se vos botaba de menos debido á pandemia” (os patrocinadores viven en EE.UU.), “agradecendo a vosa xenerosidade pois xa son sete edicións patrocinando esta regata, así como tamén felicitar ao Real Club Náutico de Portosín por conseguir o ser parte do Trofeo Presidente, e iso é porque se están a facer as cousas ben”.

A Regata Mar de Finisterre – Trofeo Pitusa Sabín dispútase os días 21 e 22 deste mes de agosto, cunha participación que roldará as 25 unidades e un combinado de probas deportivas entre trazados costeiros e mangas ao vento, sendo o principal fito a virada no afamado Faro do Carrumeiro Chico, na enseada finisterrá.

Outros artigos

Morre José María Caneda, histórico presidente do Compostela

Pesar no mundo do fútbol galego que lle di adeus ao histórico presidente da Sociedade Deportiva Compostela José María Caneda. Faleceu neste luns 24 de xuño, despois de loitar contra unha grave enfermidade os últimos anos da súa vida.  Caneda será lembrado polo éxito...

+

Publicidade

Revista en papel

Opinión

“La Confianza” – José Antonio Constenla

“La Confianza” – José Antonio Constenla

En la actualidad atravesando una crisis de confianza, con mil explicaciones, pero ninguna sencilla ni clara, que dificulta la comprensión del mundo en el que vivimos. Un efecto de estos es que los discursos no sintonizan con la realidad en la que estamos inmersos....