O Concello de Outes informou de que o complexo deportivo da Piscina Municipal estará aberto (agás a piscina) durante o mes de agosto. Estarán operativos servizos e equipamentos como a sala de cardio, a sala de forza, a pista de pádel e máis os vestiarios.
O horario do ximnasio será o seguinte: de luns a venres de 8.30 a 13.30 horas. O da pista de pádel será este que indicamos: de luns a sábado de 8.30 a 13.30 horas e de 16.00 a 22.00 horas. Para máis información chamar ao 981 850 165 (en horario de mañá até as 13.30 horas).
