A Comunidade de Montes de Baroña acolleu a presentación da nova obra do escritor local Manuel Mariño del Río, un dos grandes investigadores históricos da nosa comarca e un máis que sobranceiro coñecedor (e compartidor) do pasado e o presente do seu concello, Porto do Son. No seu novo libro, A parroquia de San Pedro de Baroña, pon o foco nas orixes desta parroquia, remontándose ás súas orixes (en 1655) até a actualidade.
Á presentación acudiron o presidente da dita mancomunidade, Ovidio Queiruga; o párroco local José Antonio Vila; a representante da editora Andavira, Lucila Ventoso; a escritora sonense Patricia Torrado e o propio Manuel Mariño del Río.
A obra amosa dous grandes bloques, nun deles abórdase o pasado de Baroña a través de acontecementos achados en documentos históricos, e noutro o escritor e historiador pon o punto de mira nos rexistros parroquiais, acubillados nuns 40 libros gardados na igrexa parroquial. O prologo foi achegado polo arcebispo de Santiago, Julián Barrio.
