Ao abeiro do programa Cultura no Camiño (Xacobeo 21-22), o espectáculo Cirkote de Kote Malabar chega este mércores 18 de agosto a Portosín, concretamente á praza do Curro, a partir das 12.00 horas.
Kote ofrecerá en Portosín un menú para todos os públicos de circo de rúa, teatro, malabares e humor.
O artista leva preto de 20 anos facendo rir e gozar a todo tipo de públicos en infinidade de actuacións por festas, feiras, festivais e demais actos lúdicos e de entretemento. No espectáculo combina técnicas de circo, clown e teatro cómico e de participación, nunha relación directa actor-público nun espectáculo no “que pode acontecer de todo”.
