Jealsa exportará o 90% da produción da súa división de valorización co seu sistema de economía circular
Jealsa exportará, a través de Valora Marine Ingredients o 90% da súa produción a diferentes mercados internacionais, entre os que destaca principalmente Asia.
A empresa explica que “Valora Marine Ingredients” nace co obxectivo de achegar un valor diferencial ás materias primas da industria pesqueira, transformando partes do peixe que non se empregan para alimentación en ingredientes de alto valor para diferentes sectores produtivos, desde bases gastronómicas a tratamentos para o ácido úrico ou ingredientes funcionais para a saúde cognitiva.
Desde a compañía apúntase que o crecemento exponencial de Valora Marine Ingredients, así como o interese crecente dos mercados internacionais, fixo que nos últimos dous anos a compañía puxese en marcha catro novas liñas de valorización.
