Este mércores, benvida a Iago López Marra no Náutico de Portosín

O Concello e a cidadanía de Porto do Son van recibir este mércores 11 de agosto ao seu deportista olímpico Iago López Marra, que regresa dos Xogos de Toquio onde foi un dos grandes protagonistas da vertente náutica e onde obtivo un diploma olímpico que soubo a pouco (dado que estivo especialmente preto de conseguir unha medalla na súa modalidade, 49er) pero que abre as portas para vindeiros e importantes logros futuros.

O acto de benvida será ás 12.30 horas no Real Club Náutico Portosín, na “súa casa deportiva”.