Segundo informa a Policía Local de Ribeira, onte ás 22.55 horas recibiu unha chamada do 112 informando dun atropelo na rotonda que une as rúas Rosalía de Castro e Xosé Ramón Barreiro e, persoados os axentes no lugar e
despois de observar que unha ambulancia do 112 xa estivera atendendo á persoa ferida, puideron coñecer as características do vehículo implicado a partir do relatado por varias testemuñas alí presentes, vehículo que segundo estas declaracións se tería dado á fuga.
Tras realizas diferentes xestións, os axentes localizaron o vehículo en cuestión na parroquia de Oleiros. A Policía efectuará o atestado e a correspondentes denuncias, pese ás afirmacións dunha das persoas propietarias de que dende as oito da tarde o vehículo non se movera do lugar onde estaba estacionado.
