En Rianxo Raiba presenta novo formato este sábado no festival Antrospinos

A banda RAIBA, formada no 2009, presenta este sábado o seu novo formato que agora pasa de 4 a 3 compoñentes. RAIBA adaptou todos os seus temas e será no FESTIVAL ANTROSPINOS onde por vez primeira se poida ver o novo show da banda.Este é un importante paso na evolución de RAIBA, cunha nova aposta sonora eescénica que é o preludio do seguinte paso que pretende dar a banda e no que os sons electrónicos terán un papel máis predominante.

A actuación terá lugar este sábado 7 de agosto no Festival Antrospinos, Taragoña (Rianxo), no que xa están esgotadas as entradas.

RAIBA é revolta sonora. Acción musical que chama ao canto colectivo. Rock alternativo en evolución permanente. Un mar de retrousos que animan a cambiar o mundo.

Banda RAIBA