A rede CeMIT vai organizar en Porto do Son, na aula de informática da Casa da Cultura de Porto do Son un obradoiro tecnolóxico para mellorar a información das persoas que estean á procura dun posto laboral. O taller Competencias dixitais para desempregad@s vaise desenvolver a partir do 19 de agosto, os martes e xoves, en horario de 10.00 a 12.00 horas.
As persoas que requiran máis información sobre a actividade poderán recadala na área de Benestar Social do Concello, a través do teléfono 981 867 414. Trátase dunha actividade de balde que introducirá aos participantes e uso de computadores e de Internet e de como tirar proveito da Rede para atopar formación e emprego.
