Hai uns días tivo lugar na Casa da Cultura do Concello de Outes o “Recoñecemento Deportivo” aos rapaces e rapazas campións galegos en distintas modalidades deportivas. O acto foi presentado polo Concelleiro de Deportes, Daniel Rodríguez, e contou coa intervención do alcalde de Outes, Manuel González. Foron convidados, ademais dos deportistas, os seus familiares, amigos, adestradores e demais representantes da corporación municipal.
O Concelleiro de Deportes destacou a importancia do recoñecemento non só ao éxito acadado, senón tamén ao esforzo e sacrificio para acadar ese logro. Pola súa parte, o alcalde de Outes, fixo fincapé na necesidade da práctica deportiva para inculcar valores coma o compañeirismo, o traballo en equipo ou a solidariedade. Os deportistas homenaxeados foron; Sara Caamaño Caamaño (campioa galega sub-12 de lanzamento de peso); Valeria Martí Caamaño(campioa galega de remos -scull catro); Antía Caamaño Canto (campioa galega de taekwondo – poomsae por parellas); Daniel Abeijón Priegue (campión galego de taekwondo alevín individual e por parella); Adrián Abeijón Priegue (campión galego de taekwondo en combate junior -55kg); María Antelo Domínguez (campioa de taekwondo galega junior en combate); Uxía Antelo Domínguez (campioa galega de taekwondo en combate cadete)
Todos eles foron agasallados con varios detalles para conmemorar este recoñecemento.
De esquerda a dereita; Daniel Rodríguez Gándara(Concelleiro de Deportes), Valeria Martí Caamaño, Uxía Antelo Domínguez, Sara Caamaño Caamaño, Antía Caamaño Canto, María Antelo Domínguez, Daniel Abeijón Priegue, Adrián Abeijón Priegue, Manuel González López (alcalde de Outes)
