O Concello de Boiro, na liña de mellorar a mobilidade no municipio e achegar oportunidades cómodas de estacionamento para a veciñanza das parroquias que se despraza até o centro urbano, habilitou novas prazas de aparcamento na avenida de Barraña. Son unha vintena de prazas a carón da praia de Barraña.
Estes novos espazos para estacionar súmanse aos que se habilitaron ao longo deste ano na zona norte da avenida da Constitución, á apertura do aparcamento de A Boqueira de A Negral e á creación dun servizo análogo na praza da Mancomunidade.
O Concello de Boiro ten como obxectivo “favorecer o acceso ao núcleo urbano e ofrecer as máximas facilidades aos veciños e veciñas das parroquias e outros municipios que se desprazan ao núcleo urbano e potenciar así o comercio e a hostalaría locais”.
