O Concello de Boiro colabora na organización do ciclo de actuacións A Orixe, que promove A Pousada da Galicia Imaxinaria con concertos e monólogos, que se van desenvolver durante o mes de agosto. Todas as actividades son con capacidade limitada e reserva previa de entradas.
Algúns dos espectáculos tiveron que reprogramarse e, a maior parte concéntranse agora nesta fin de semana baixo o nome do ciclo A Orixe. O primeiro dos espectáculos, un concerto de El Twanguero, tivo lugar na rúa peonil á altura da Pousada.
O sábado día 14 haberá dúas actuacións da praza de A Boqueira de A Negral, a primeira delas o monólogo de Xosé A. Touriñan ás 20.00 horas e, ás 22.00 horas, concerto de Ángel Stanich Band. As entradas para os dous espectáculos poden comprarse a través da web de Ataquilla ou de xeito presencial en Baldani e na Pousada.
O domingo continúan as actuacións na praza da Boqueira de A Negral.
Ás 19.00 horas será o concerto de María Yfeu, que será gratuíto e con reserva previa de entradas a través do formulario web que se vai habilitar a través das redes sociais. Ás 20.30 horas, monólogo de Luis Piedrahita, venta de entradas
xa dispoñible en Ataquilla ou de xeito presencial en Baldani e na Pousada.
O ciclo remata o sábado 28 de agosto cun concerto de Los Secretos, que será ás 21.00 horas na praza de A Boqueira de A Negral. Compra de entradas xa dispoñible a través da plataforma Teutiket ou de maneira presencial en Baldani e a Pousada.
Toda a información sobre os concertos e actividades do ciclo na páxina de Facebook da Pousada da Galicia Imaxinaria.
