Dezaséis mozos e mozas inician o obradoiro de emprego “Serra do Barbanza” compartido por O Son e Ribeira

Doce mozos e catro mozas con idades comprendidas entre os 18 e os 29 anos acaban de iniciar a súa andadura no obradoiro de emprego Serra do Barbanza: unha iniciativa compartida polos municipios de Ribeira e Porto do Son
na que o alumnado formarase durante doce meses nas especialidades de pavimentación e albanelaría de urbanización ao tempo que reciben un salario.
O acto de apertura tivo lugar no Centro Cultural Lustres Rivas e contou coa participación dos alcaldes Luis Oujo e Manuel Ruiz (tamén dos concelleiros Manel Deán e Ramón Doval). Ambos significaron a oportunidade de inserción no mundo laboral que supón este obradoiro, e ademais nun sector con gran demanda de emprego Así mesmo, os traballos que levarán a cabo durante a súa aprendizaxe repercutirán en beneficio da comunidade en ambos concellos. Neste senso, Ruiz Rivas manifestou que está previsto a través do obradoiro a construción de beirarrúas na contorna do
colexio Pé do Corniño en Carreira, actuar na rúa Alexandre Bóveda e, se chegan os permisos necesarios, intervir tamén en Salmón (Oleiros).
Pola súa parte, Luis Oujo avanzou que se traballará en eliminar barreras arquitectónicas para favorecer a accesibilidade, en sintonía cun compromiso que o Concello ten con Cogami.
O director do obradoiro, Juan Manuel Pazos, incidiu na gran demanda existente neste sector.