Dez rapaces participaron no obradoiro artístico do Verán Cultural de Ribeira

Un total de dez rapaces estiveron a participar esta semana no obradoiro de arte e escultura no marco das actividades do Verán Cultural postos en marcha pola Concellería de Cultura de Ribeira.

As clases foron impartidas polo artista local Jontxu Argibay. Hoxe tivo lugar no Auditorio o acto de entrega de diplomas, que correu a cargo da concelleira María Sampedro.

A pasada semana tivo lugar un primeiro taller de maxia no que houbo oito asistentes. A formación impartiuna o Mago Romarís.

Por último, o vindeiro luns dará inicio ao último dos obradoiros do Verán Cultural: será sobre ciencia e cociña divertida e contará con vinte nenos e nenas participantes, distribuídos en dúas quendas.