Arredor de 70 nenas e nenos participaron no campamento de conciliación organizado polo Concello de Boiro

31 Agosto 2021

O Concello de Boiro puxo remate este luns 30 de agosto ás actividades do campamento de conciliación que organizou a Concellaría de Educación durante este verán. No campamento, segundo se fixo saber, participaron uns 70 nenos e nenas. O edil Marcos Fajardo estivo na mañá deste luns cos cativos participantes para a clausura desta edición.

O campamento deste ano estivo dirixido a rapazada escolarizada de idades comprendidas entre os 3 e os 12 anos. Contou con dúas alternativas horarias combinábeis, co obxectivo de favorecer a conciliación laboral e familiar durante as vacacións de verán. Por un lado constou do servizo Boiro Madruga, ao que asistiron 20 nenos e nenas en horario de 8.00 a 10.00 horas, e polo outro o Campamento Verán, no que se cubriron as 70 prazas, e se desenvolveu en horario de 10.00 a 14.00 horas.

O obxectivo desta actividade é “facilitar ás familias un recurso de conciliación con horarios flexíbeis, así como ofrecer unha alternativa lúdica, formativa e integradora de ocio e tempo libre para as crianzas participantes adaptada á súa idade”. As actividades que se desenvolveron no marco deste campamento baseáronse en técnicas paliativas e activas, adaptadas á normativa e medidas de seguridade establecidas polas autoridades sanitarias.

Durante a súa visita, o concelleiro tivo a oportunidade de coñecer como se organizan as aulas, en “grupos burbulla” repartidos por idades, e de que os nenos e nenas lles explicasen as actividades que realizan e como é o seu día a día durante o verán no campamento.

Outros artigos

O pleno de Boiro aproba os Orzamentos Xerais do Concello

O Concello de Boiro celebrou este xoves día 20 o pleno ordinario da Corporación correspondente ao mes de xuño. A sesión contou coa ausencia dunha concelleira do Partido Popular, polo que había un total de 16 membros da corporación. O Pleno pode verse íntegro mediante...

+

Publicidade

Revista en papel

Opinión

“Non é iso, non é iso trabúcanse”. Antón Luaces

“Non é iso, non é iso trabúcanse”. Antón Luaces

Dende o clásico "pezqueñines no, gracias" dos anos 80 do sèculo pasado, a outras campañas de corte semellante desenvolvidas polo Ministerio de Agricultura, Pesca e Alimentación, os distintos gobernos españois nunca apoiaron con convencemento ao sector pesqueiro,...