Este 31 de agosto puidemos coñecer os detalles do Plan de Mellora de Bibliotecas Escolares (PLAMBE) da Xunta de Galicia, que foi debullado polo conselleiro de Cultura e Educación Román Rodriguez, durante o transcurso dunha visita institucional ao CEIP Flavia de Padrón. Segundo fixo saber, vanse incorporar ao plan neste novo curso un total de 27 centros públicos, integrándose nunha rede composta arestora por 765 centros, dos que 729 son públicos e 36 privados concertados. No caso do dito CEIP de Padrón, farase unha rehabilitación por importe de case 1M€.
Tal e como explicou o conselleiro, “o programa de referencia do Plan Lía de Bibliotecas Escolares do Goberno galego incrementa ademais este ano o seu orzamento nun 12,5%, ata chegar aos 1.565.000€, 175.000€ máis ca no curso anterior”, confirmando a aposta do Goberno galego polas bibliotecas como “o corazón dos centros”.
Na listaxe de novas incorporacións inclúese o CEIP de Portosín, en Porto do Son,
As asignacións estarán destinadas á actualización dos fondos documentais da biblioteca escolar, á renovación do mobiliario e outro equipamento necesario, así como para outros gastos de funcionamento. No caso dos centros de continuidade, poderán destinar as asignacións a fondos, a mobiliario e outros equipamentos ou a gastos de funcionamento específicos da biblioteca, en función do ano no que se integraran no plan.
