Rianxo volve ser en agosto a capital galega do jazz

Rianxo estará novamente no punto de mira dos seareiros do jazz, da man do Concello. O motivo? A celebración da quinta edición do Festival Noites de Jazz de Rianxo.

Os concertos comezan o 4 de agosto coa actuación do Miro Lamas Quartet e proseguen ao día seguinte, 5 de agosto, da man do Valentín Caamaño Quartet. O venres 6 de agosto será a quenda de Volando Libre e o sábado 7 de Havana Soul. Estas actuacións complementaranse coa mostra Trazos de Jazz, a Visión de Matisse, que é unha ollada á vertente máis jazzística da obra de Henri Matisse. Será no Auditorio de Rianxo, do 2 ao 22 de agosto.

Máis datos en concelloderianxo.gal.

Organiza o Concello de Rianxo, que conta coa colaboración da Deputación da Coruña, do Museo de Artes do Gravado (Ribeira), da Escola de Música de Rianxo e da empresa Cortizo.