Rianxo acolle ata o domingo a Feira do LA Feira do Libro Rianxo 2021: Libros no Camiño terá lugar esta semana dende o xoves 22 ata o domingo 25 de xullo. A actividade desenvolverase no Campo de Arriba de Rianxo, e as librerías participantes estarán abertas de 12:00 a 14:00 e de 18:30 a 22:30. A fin de semana e festivos pechan pola mañá ás 14:30.
O municipio de Rianxo acolle así catro días de homenaxe ao libro, durante os cales levaranse a cabo diferentes actividades relacionadas coa feira. Deste xeito, o xoves 22 terá lugar o acto de inauguración da man de Montse Fajardo ás 13 horas, para despois levar a cabo a sinatura de diferentes obras da man de Montse Fajardo (A vida incerta), Arantza Portabales (A vida secreta de Úrsula Bas) e José Carou Rey (Hemisferio auga).
Os seguintes días tamén se realizarán actos de sinaturas das obras de diferentes autores. O venres, Fon asina Gazafellos, Denis Maza La mística de un grano de arena, Patricia Torrado Don Carlos e o misterio dos Lucecús, e Lois Oreiro Os mundos de agora. O sábado Maite Mosconi asinará Gaedheal; Libro I de las invasiones e Sangre e ceniza: Relatos de Gaedheal, Xosé A. Perozo O libro das avoas, Miguel Ángel Otero Para llegar a ti e Helena Villar Janeiro Alba e a Fuga de Guillermo.
Para cerrar a semana da Feira do Libro 2021, acudirán á actividade Juan Galán, Rena Ortega, Rober H.L. Cagiao e Ramón Torrado, a asinar A Romanza de los naranjos en flor, Bo camiño, peregrino! , Cuadernos Azabache e Torino, respectivamente.
