A agrupación Gálata estará esta fin de semana en Porto do Son. O grupo musical Gálata está especializado na animación de eventos e recreacións de distintas épocas, poñendo o foco no legado medieval, aínda que tamén noutras épocas posteriores. De feito, chega a Porto do Son cun repertorio amplo e moi diverso, ademais dun vestiario exclusivo e feito a medida.
O grupo, que conta con melodías medievais e música máis contemporánea, tocará este domingo, 1 de agosto, en Porto do Son. En total, haberá tres pases: un ás 11:00 horas, outro ás 12:30 horas e o último ás 14:00 horas.
