Os cineastas mexicanos Juan Carlos Rulfo e Valentina Leduc visitan Froxán para coñecer o seu traballo de conservación ambiental

05 Xullo 2021

O labor das Brigadas Deseucaliptizadoras que a Asociación Verdegaia botou a andar en Froxán (Lousame) está a espallarse internacionalmente. Segundo informaron os responsábeis desta fronte activa a prol dos bosques autóctonos galegos posta en marcha en 2018 (que organiza cada pouco xeiras de plantación de árbores nosas e de erradicación de invasoras, poñendo o foco no eucalipto e nas acacias), a sona das Brigadas xa chegou a México, de onde proveñen os coñecidos cineastas Juan Carlos Rulfo e Valentina Leduc, que se achegaron a Froxán para filmar o seu último documentario, que explora as loitas comúns en defensa da terra dun e doutro lado do Atlántico.

Precisamente nesta fin de semana, e a pesar do mal tempo, interviron de novo as voluntarias desta iniciativa ambiental en Froxán, actuando na contorna da Casa da Susana, onde desde 2017 se veñen substituíndo acacias e eucaliptos por frondosas nativas. O traballo de conservación desa comunidade fixo que xa en 2017 fose recoñecida pola ONU como Área Conservada por Pobos Indíxenas e Comunidades Locais (ICCA) e que gañase varios premios internacionais.

O novo proxecto de documental de Rulfo e Leduc, Los sueños que compartimos, usa como fío condutor a viaxe que emprenderon este verán as zapatistas pola Europa para dialogar, compartir saberes e coñecer experiencias, mostrando así as historias en común das comunidades mexicanas e europeas.

Outros artigos

Publicidade

Revista en papel

Opinión

“La Confianza” – José Antonio Constenla

“La Confianza” – José Antonio Constenla

En la actualidad atravesando una crisis de confianza, con mil explicaciones, pero ninguna sencilla ni clara, que dificulta la comprensión del mundo en el que vivimos. Un efecto de estos es que los discursos no sintonizan con la realidad en la que estamos inmersos....