Os novos contaxios de Covid-19 detectados a pasada xornada en Galicia reducíronse con respecto a días anteriores, pero seguen disparados: 519, de forma que os casos activos da enfermidade superan xa os 4.500 en toda a comunidade. No que vai de mes, aumentaron case un 120%. Mais da metade dos ingresados actualizados na UCI son igual o menores de 40 anos.
Tamén sobe a presión asistencial que, con todo, mantense en niveis moi controlados: hai 67 persoas ingresadas, oito máis que hai un día.
Os casos activos de COVID-19 disparáronse de novo ata os 4.561, que son 393 máis que a xornada anterior, ao rexistrarse máis contagios (519) que novas altas (126) en 24 horas. O día 1 de xullo, os pacientes de coronavirus en Galicia eran 2.083, polo que se han máis que duplicado en apenas 10 días.
O ascenso segue sendo sostido nas sete áreas sanitarias. A que máis creceu nas últimas horas foi a de Ourense-Verín-O Barco, que notifica 97 novos pacientes e sitúa o global en 823. Séguelle a de Vigo, que suma outros 89 casos activos e consolídase como zona con máis enfermos de Covid, ata o total de 960.
Por áreas sanitarias, dos 519 novos contagios, a de Vigo notificou 111, seguida da de Ourense con 110. De terceira está a da Coruña, con 93, e tras esta sitúanse Pontevedra, con 73; Santiago, con 66; Lugo, con 46 e Ferrol, que suma outras 20 infeccións. (A)
