O BNG denuncia un acto de vandalismo no banco LGTB de Palmeira

O BNG de Ribeira mostrou a súa repulsa por un novo acto vandálico contra un dos bancos que se puxeron por todo o municipio coas cores do colectivo LGBT coa finalidade de dar visibilidade á loita polos dereitos persoas. Concretamente, no banco de Palmeira, borraron a palabra “orgullo” e pintaron un pene.

O concelleiro nacionalista, Luís Pérez Barral, lamenta que esta non é a primeira acción homófoba que se rexistra neste concello e recalca que “como sociedade temos que facer unha reflexión no só para deixar claro que a violencia non pode ter cabida senón tamén para illar a quen emite e promove eses discursos de odio”.

En definitiva, os nacionalistas remarcan que a LGBTfobia non ten cabida en ningún ámbito da sociedade e que se debe respectar á diversidade.