Investigadores da UDC desenvolven un proxecto de arrecife artificial sustentábel

07 Xullo 2021

Investigadores do Campus Industrial de Ferrol están a levar a cabo, en colaboración coas consellarías de mar e Medio Ambiente un traballo de arrecife artificial adaptado á morfoloxía dos fondos mariños galegos. O traballo sitúase nun módulo do Centro de Investigacións Tecnolóxicas (CIT) do Campus Industrial de Ferrol.

A iniciativa enmárcase nunha colaboración iniciada en 2020 entre a Consellaría de Medio Ambiente, Territorio e Vivenda, a Consellería do Mar e a UDC. A Xunta de Galicia destinou un total de 100.000 euros co fin de potenciar o traballo. Segundo coinciden estas entidades, o deseño deste arrecife é un claro exemplo “de economía circular” e que, nun futuro, “permitirá recuperar a fauna e a flora das rías galegas”. Así, ademais anunciouse que esta iniciativa validarase coa instalación dos arrecifes artificiais nos fondos areosos das rías de Ares e Betanzos, pero podería estenderse a toda a costa galega.

Cos traballos realizados no marco desta colaboración tamén se promove a sustentabilidade dos compoñentes da estrutura e dos procesos, pois, por unha banda, algúns materiais empregados son froito do aproveitamento de restos que resultan do procesado da industrial conserveira. Por outra banda, os labores efectuados contribúen a unha maior eficiencia enerxética na creación de arrecifes artificiais, pois inclúen a proposta de solución e tecnoloxías para acadar este obxectivo.

O módulo foi visitado polo reitor Julio Abalde e as conselleira Rosa Quintana e Ángeles Vázquez, quen coñeceron, da man do investigador Luis Carral Couce, os froitos desa colaboración entre a Xunta de Galicia e a UDC. Ademais, realizouse unha demostración de remolque do módulo de arrecife na que se puido comprobar o seu comportamento hidrodinámico á hora de canalizar e distribuír os nutrientes ás cavidades niño do arrecife.

Outros artigos

Este venres entrégase en Rianxo o Premio Muller Salgada 2024

Mulleres Salgadas entregará o vindeiro venres día 28 de xuño o seu Premio Muller Salgada 2024. O acto, que conta coa colaboración do Concello de Rianxo, terá lugar ás 18.30 no Auditorio de Rianxo (A Coruña). A orixe do galardón A cultura do esforzo xeneroso,...

+

Publicidade

Revista en papel

Opinión

“La Confianza” – José Antonio Constenla

“La Confianza” – José Antonio Constenla

En la actualidad atravesando una crisis de confianza, con mil explicaciones, pero ninguna sencilla ni clara, que dificulta la comprensión del mundo en el que vivimos. Un efecto de estos es que los discursos no sintonizan con la realidad en la que estamos inmersos....