O Concello de Boiro, a través da área de Emprego, desenvolve un Programa Integrado de Emprego destinado a cen mulleres desempregadas con módulos formativos moi variado en función das expectativas profesionais de cada unha. Estes días estase a desenvolver o Certificado de Profesionalidade en Operacións Básicas de Cociña de 350 horas de duración.
O alcalde, José Ramón Romero, e o concelleiro de Comercio e Industria, Marcos Fajardo, visitaron ao alumnado que participa no curso, acompañados de empresarios da zona, para facer unha visita ás instalacións, e do persoal do
Programa Integrado de Emprego. O alumnado remata esta semana a parte da materia que se desenvolve nas instalacións do Centro de Formación condicións hixiénico-sanitarias en restauración, elaboración de pratos combinados e aperitivos e agora vai comezar as prácticas de 80 horas en empresas.
O Programa Integrado de Emprego do Concello de Boiro, que está dirixido exclusivamente a 100 mulleres inscritas como demandantes de emprego, está financiado pola Consellería de Emprego e Igualdade da Xunta de Galicia e o Servizo Público de Emprego Estatal. O obxectivo deste programa e a formación para o emprego e lograr unha inserción laboral.
Ademais da formación en módulos específicos, as mulleres participante fórmanse en competencias para a busca de emprego, técnicas comunicativas, motivación e autoestima ou habilidades para afrontar unha entrevista de
traballo. Os cursos de formación combinan a modalidade online e presencial para favorecer a conciliación familiar e laboral das participantes.
