O Concello de Boiro vai ampliar o horario de apertura do aparcadoiro municipal da praza de Galicia con motivo das actividades da programación das Festas do Verán. En concreto, as instalacións estarán abertas ata as 01.00 horas dende a noite do venres ata o mércores, os días que se van celebrar actividades.
O obxectivo é facilitar o estacionamento ás persoas que asistan ás actividades programadas para os días das Festas do Verán 2021. O horario de apertura das instalacións será de 07.00 a 01.00 horas, sendo gratuíto na franxa entre as 15.00 e as 01.00 horas.
