CONGALSA aposta firme pola sustentabilidade nos seus elementos de packaging

07 Xullo 2021

A empresa pobrense CONGALSA participou os días pasados nun almorzo convocado polo Clúster de Innovación e Envase e Embalaje dirixido a compartir experiencias e innovacións en materia de packaging e presentación de produtos. Na cita participaron representantes de empresas estatais punteiras, entre os que se atopaban José Ramón Núñez, xefe de Marketing de CONGALSA, e Alba Álvarez, responsábel de proxectos de Innovación e Packaging da empresa alimentaria con sede na Pobra do Caramiñal.

Os dous relatores presentaron os principais retos de CONGALSA neste ámbito e lembraron que estes desafíos pasan por avanzar en sustentabilidade, en calidade e en funcionalidade. Tamén fixeron fincapé na importancia crucial do concepto de packaging (embalaxe e produtos e presentación) para unha empresa como CONGALSA, presente en 30 países e referente internacional en tapas e aperitivos de peixes e mariscos, amais de ser unha das empresa máis activas do sector no que se refire ao lanzamento de produtos (unha ducia deles cada ano) e a renovación de envases (CONGALSA realiza até 10 modificacións no packaging dos seus produtos xa existentes).

“Todos estes retos”, sinalou José Ramón Núñez, “non implican renunciar á calidade do produto nin da materia prima, que é na nosa filosofía un elemento básico”. Segundo engadiu, “o produto ten que gustar”.

No que se refire á sustentabilidade, os representantes de CONGALSA explicaron que a empresa marcouse o obxectivo de conseguir que o seu packaging sexa cen por cen reciclábel nun prazo de tres anos. “O que pretendemos é reducir a pegada de carbono e ser sensibles ante unha demanda social crecente”, engadiron.

Outros artigos

Domingo, véspera de San Xoán con sol e calor chegando ós 30 graos

Influencia anticiclónica sobre Galicia durante o domingo. Teremos ceos despexados na metade sur e con intervalos de nubes baixas na metade norte, máis compactas no litoral. Posibilidade de bancos de néboa matinais en zonas de interior. As temperaturas experimentarán...

+

Publicidade

Revista en papel

Opinión

“La Confianza” – José Antonio Constenla

“La Confianza” – José Antonio Constenla

En la actualidad atravesando una crisis de confianza, con mil explicaciones, pero ninguna sencilla ni clara, que dificulta la comprensión del mundo en el que vivimos. Un efecto de estos es que los discursos no sintonizan con la realidad en la que estamos inmersos....