A plataforma Stop Deshaucios Barbanza emitiu un comunicado no que quere deixar clara a súa independencia con respecto ás cores políticas das diferentes administracións comarcais, autonómicas e estatais, remarcando o seu obxectivo de actuar en colaboración con calquera entidade sempre e cando sexa en beneficio das persoas e colectivos vulnerábeis que non poden acceder a unha vivenda ou que están a piques de perder a súa.
Este é o miolo do comunicado:
“Desexamos manifestar que non estamos en contra de ningún goberno municipal, sexa do signo político que sexa. Poden existir discrepancias concretas, como é lóxico, sobre actuacións, urxencias, protocolos ou maneiras de xestionar, pero sempre nos manifestamos abertos a todo tipo de colaboración e suxestións sobre as posibles solucións fronte aos desaloxos e ás alternativas habitacionais para familias en situación de vulnerabilidade.
A colaboración foi, ao longo deste dez anos de intenso traballo, excelente con moitos Concellos arousáns: Ribeira, Rianxo, Boiro, Noia, Muros, A Pobra do Caramiñal, Catoira, Padrón, Vilagarcía de Arousa, O Grove, Meis, Vilanova, Cambados, Dena, Ribadumia, Poio…
Grazas a todos en nome das familias afectadas”.
