Muros agarda aos peregrinos de O Cabaleiro das Cunchas no seu primeiro día de navegación.
O 6 de agosto realizarán a ofrenda ao Apóstolo en Santiago coa delegada da Xunta en Vigo de oferente
Ás nove da mañá partía desde os pantaláns do Liceo Marítimo de Bouzas a frota que este ano forma parte
da XI Roteiro Marítimo O Cabaleiro das Cunchas, coa proa posta cara á o norte para, despois de 42 millas náuticas de navegación (un 77 km.), chegar ao seu primeiro destino, Muros, onde pernoctarán esta noite.
Con sete xornadas de mar, e a peregrinación a pé desde o Alto do Milladoiro ata Santiago, o Roteiro emprende unha edición especial, ao non poder celebrarse o pasado ano, e coa sempre cautela de manter as medidas de seguridade, non só as propias derivadas da navegación, senón tamén as marcadas polas autoridades respecto a a precaución e hixiene sanitaria en prevención da COVID-19.
A Delegada da Xunta de Galicia en Vigo, Marta Fernández- Tapias será a encargada de realizar a ofrenda ante o Apóstolo Santiago o próximo 6 de agosto, na misa organizada polo deán da Catedral aos peregrinos de O Cabaleiro das Cunchas, e na que se poderá ver o sempre espectacular abalo do gran Botafumeiro.
“Saímos do Liceo Marítimo con moita ilusión de volver iniciar o roteiro do Cabaleiro das Cunchas, despois dun ano parados por esta pandemia”, comentaba Javier Grande, presidente da Asociación dos Amigos do Roteiro de O Cabaleiro das Cunchas. “Navegamos a motor pola Ría de Vigo para saír por fóra de Ons e coller o vento que nos permitise abrir maior e foque. Á altura do Faro de Corrubedo entrounos un vento do nordeste, o que nos permitiu navegar a unha velocidade de case 7 nós en cinguida, con rumbo directo a Muros. Boa mar e ao final o día acompañounos”, terminaba dicindo Grande.
Este domingo a frota segue subindo pola costa galega dirección norte, iniciando o periplo pola Costa da Morte desde Muros ata Camariñas, nun percorrido de 35 millas náuticas.
O Roteiro Marítimo Xacobeo O Cabaleiro das Cunchas, patrocinada polo Plan Xacobeo 21-22, conta coa colaboración da Fundación Traslatio, que promove o Roteiro dos Grandes Veleiros en 2022, desde Haifa.
