A parroquia da Nosa Señora do Carme celebrou esta mañá do venres a súa festividade cunha misa solemne na explanada do porto. A Eucaristía presidida polo reverendo Carlos Julio Cárdenas, párroco desde 2016 da ferigresia de Aguiño, presidiu unha celebración nun fermoso e soleado día na que participaron preto de douscentos veciños.
O acto contou coa presenza do alcalde, Manuel Ruíz, e membros da Corporación municipal quen posteriormente embarcarían nunha lancha de vixilancia para botar o mar unha coroa de flores en memoria dos mariñeiros falecidos.
A situación sanitaria imposibilitou por segundo ano, que se celebrara a tradicional procesión marítima. A parroquia celebra a festividade con diversos actos relixiosos que empezaron a primeira hora no templo parroquial cunha misa cantada, a misa solemne transmitida polas redes sociais e xa pola tarde a misa de acción de grazas.
A misa solemne estivo acompañada pola agrupación Orquesta Sons, bombas de palenque e por gaiteiros que percorreron desde primeira hora as rúas do pobo de Aguiño.
